गौळण
पोवा घोंगडी घेऊन पाही । संगे गोपाळ घेऊन गाई ।।
वृंदावनी आला लवलाही । वेणू वाजविला सुस्वरें बाई ।।
उतावीळ झाल्या गौळणी । वेणू नाद पडला कानी ।।
भोवत्या पाहती अवलोकुनी ।नयनी न दिसे शारंगपाणी ।।
विसरल्या काम धंदा । सासू सासऱ्याची नाही मर्यादा ।।
कोण जाणे त्या कोण जावा नणंदा । वृत्ती वेधली परमानंदा ।।
अवघा हरवला देह भाव । पुसिला जन्म मरणाचा ठाव ।।
वृत्ती स्वानंदे मुरली पाहावो । सेना म्हणे भाग्य उदय हो ।।
Pova Ghongadi Gheun Pahi -
कोणत्याही टिप्पण्या नाहीत:
टिप्पणी पोस्ट करा