संथ वाहते कृष्णामाई - Sant Vahate Krushnamai

संथ वाहते कृष्णामाई
तीरावरल्या सुखदुःखाची जाणीव तिजला नाही

नदी नव्हे ही निसर्ग-नीती, आत्मगतीने सदा वाहती
लाभहानिची लवही कल्पना, नाही तिज ठायी  

कुणी नदीला म्हणती माता, कुणी मानिती पूज्य देवता
पाषाणाची घडवुन मूर्ती, पूजित कुणी राही

सतत वाहते उदंड पाणी, कुणी न वळवुन नेई रानी
आळशास ही व्हावी कैसी, गंगा फलदायी?

जेव्हा तिची नि माझी - Jevha Tichi Ni Majhi

जेव्हा तिची नि माझी चोरून भेट झाली
झाली फुले कळ्यांची, झाडे भरास आली

दूरातल्या दिव्यांचे मणिहार मांडलेले
पाण्यात चांदण्यांचे आभाळ सांडलेले
कैफात काजव्यांची अन्‌ पालखी निघाली

केसांतल्या जुईचा तिमिरास गंध होता
श्वासातल्या लयीचा आवेग अंध होता
वेड्या समर्पणाची वेडी मिठी मिळाली

नव्हतेच शब्द तेव्हा, मौनात अर्थ सारे
स्पर्शात चंद्र होता, स्पर्शात लाख तारे
ओथंबला फुलांनी अवकाश भोवताली

Jevha Tichi Ni Majhi, Chorun Bhet Zali
Zali Phule Kalyanchi, Zade Bharas Aali

Duratlya Divanche Manihar Mandlele
Panyat Chandanyanche Aabhal Sandalele
Kaiphat Kajvyanchi An Palakhi Nighali

Kesantalya Juicha Timiras Gandh Hota
Shwasatlya Layicha Aaveg Aandh Hota
Vedya Samrpanachi Vedi Mithi Milali

Navhatech Shabd Tevha, Mounat Arth Sare
Sparshat Chandra Hota, Sparshat Lakh Tare
Othambala Phulanni Avakash Bhovatali

चाफा बोलेना, चाफा चालेना Chafa Bolena Chafa Chalena

चाफा बोलेना, चाफा चालेना
चाफा खंत करी, काही केल्या फुलेना

गेले आंब्याच्या बनी, म्हटली मैनासवे गाणी
आम्ही गळयांत गळे मिळवूनी रे

गेले केतकीच्या बनी, गंध दरवळला वनी
नागासवे गळाले देहभान रे

चल ये रे, ये रे गडया, नाचू उडू घालू फुगडया
खेळू झिम्मा झिम पोरी झिम पोरी झिम

हे विश्वाचे आंगण, आम्हा दिले आहे आंदण
उणे करु आपण दोघे जण
जन विषयाचे किडे, ह्यांची धाव बाह्याकडे
आपण करु शुद्ध रसपान रे

चाफा फुले आला फुलून
तेजी दिशा गेल्या आटून
कोण मी चाफा, कोठे दोघे जण रे

 गीत : कवी ‘बी’
 

Chafa Bolena, Chafa Chalena
Chafa Khant Kari, Kahi Kelya Phulena

Gele Aambyachya Bani, Mhatali Mainavase Gani
Aamhi Galyat Gale Milavuni Re

Gele Ketakichya Bani, Gandh Darvala Vani
Nagasave Galale Dehabhan Re

Chal Ye Re, Ye Re Gadya, Nachu Udu Ghalu Phugadya
Khelu Zima Zim Pori Zim Pori Zim

He Vishwache Aangan, Amha Dile Aahe Aandan
Une Karu Aapan Doghe Jan
Jan Vishyache Kide, Hyanchi Dhav Bahyakde
Aapan Karu Shuddh Raspan Re

Chafa Phule Aala Phulun
Teji Disha Gelya Aatun
Kon Mi Chafa, Kothe Doghe Jan Re

Lyrics - Kavi B

Chapha Bolena Chapha Chalena

 

असा बेभान हा वारा, कुठे ही नाव मी नेऊ Asa Bebhan Ha Vara, Kuthe Hi Nav Mi Neu

असा बेभान हा वारा, कुठे ही नाव मी नेऊ
नदीला पूर आलेला, कशी येऊ, कशी येऊ ।। धृ ।।

जटा पिंजून या लाटा, विखारी झेप ही घेती
भिडे काळोख प्राणांना, दिशांचे भोवरे होती
जीवाचे फुल हे माझ्या, तुझ्या पायी कशी ठेवू ।। १ ।।

कुळाचे, लौकीकाचे मी क्षणी हे तोडीले धागे
बुडाले गाव ते आता, बुडाले नाव ही मागे
दिले हे दान दैवाने, करी माझ्या कशी ठेवू ।। २ ।।

जगाच्या क्रूर शापांचे, जिव्हारी झेलले भाले
तुझे सौभाग्य ल्याया हे, तुझी होऊन मी आले
तुझे तू घे उरी आता, किती मी हाक ही देऊ ।। ३ ।।

Asa Bebhan Ha Vara, Kuthe Hi Nav Mi Neu
Nadila Pur Aalela, Kashi Yeu Kashi Yeu ।। D ।।

Jata Pinjun Ya Lata, Vikhari Jhep Hi Gheti
Bhide Kalokh Prananna, Dishanche Bhoware Hote
Jiwache Ful He Majhya, Tujhya Payi Kashi Thevu ।। 1 ।।

Kulache, Laukikache Mi Kshani He Todile Dhage
Budale Gav Te Aata, Budale Nav Hi Mage
Dile He Dan Daivane, Kari Majhya Kashi Thevu ।। 2 ।।

Jagachya Krur Shapanche, Jivhari Jhelale Bhale
Tujhe Saubhagy Lyaya He, Tujhi Houn Mi Aale
Tujhe Tu Ghe Uri Aataa, Kiti Mi Hak Hi Deu ।। 3 ।।

 

प्रितीच्या चांदराती Pritichya Chand Rati

प्रितीच्या चांदराती घेऊनी हात हाती
जोडू अमोल नाती, ये ना, ये प्रिये !

फुलला हा कुंज सारा, हसली पाने फुले
रुसवा आता कशाला, अधरी प्रिती फुले
हासते.... चांदणे !

सरला आता दुरावा, मिटती का लोचने
सखये या मिलनाला, नुरले काही उणे
हात दे, साथ दे !

Pritichya Chandarati Gheuni Hat Hoti
Jodu Amol Nati, Ye Na, Ye Priye !

Phulala Ha Kunj Sara, Hasali Pane Phule
Rusava Aata Kashala, Adhari Priti Phule
Hasate    Chandane !

Sarala Aata Durava, Mitati Ka Lochane
Sakhaye Ya Milanala, Nurale Kahi Une
Hat De, Sath De !

अशीच अमुची आई असती - Ashich Amuchi Aai Asati

अशीच अमुची आई असती सुंदर रूपवती
आम्हीहि सुंदर झालो असतो वदले छत्रपती ! ।। धृ ।।

शिवरायाच्या दरबारी त्या युवती मोहक ती
सुभेदाराची सून लाडकी भयकंपित होती
शब्द ऐकता चकित जाहली हरिणीसम ती रती ।। १ ।।

वसंतातले यौवन होते नयनी मादकता
रूप अलौकिक मनमोहक ते कोमल बाहुलता
सौंदर्याची प्रतिमा परि ती प्रभू माता मानिती ।। २ ।।

अलंकार ते वस्त्रभूषणे - देउन मानाने
परत सासरी पाठविले तिज शिवभूपालाने
रायगडाच्या पाषाणांतुन शब्द अजुन येती ।। ३ ।।


Ashich Amuchi Aai Asati Sundar Rupvati
Aamhihi Sundar Zalo Asato Vadale Chhatrapati !।। D  ।।

Shivaryanchya Darbari Tya Yuvati Mohak Ti
Subhedarachi Sun Ladaki Bhayakampit Hoti
Shabd Ekata Chakit Jahali Harinisam Ti Rati ।। 1 ।।

Vasantatale Yauvan Hote Nayani Madakata
Rup Aloulikik Manmohan Te Komal Bahulata
Saudaryachi Pratima Pari Ti Prabhu Mata Maniti ।। 2 ।।

Alankar Te Vastrabhushane Deun Manane
Parat Sasari Pathavile Tij Shivabhupane
Rayagadachya Pashanatun Shabd Ajun Yeti ।। 3 ।।

 

 

या जन्मावर, या जगण्यावर, शतदा प्रेम करावे - Ya Janmavar Ya Jagnyavar Shatada Prem Karave

या जन्मावर, या जगण्यावर, शतदा प्रेम करावे ।।धृ।।

चंचल वारा या जलधारा, भिजली काळी माती
हिरवे हिरवे प्राण तशी ही रुजून आली पाती
फुले लाजरी बघून कुणाचे, हळवे ओठ स्मरावे ।।१।।

रंगांचा उघडूनिया पंखा, सांज कुणीही केली
काळोखाच्या दारावरती, नक्षत्रांच्या वेली
सहा ऋतूंचे सहा सोहळे, येथे भान हरावे ।।२।।

बाळाच्या चिमण्या ओठांतून, हाक बोबडी येते
वेलीवरती प्रेम प्रियेचे, जन्म फुलांनी घेते
नदीच्या काठी सजणासाठी, गाणे गात झुरावे ।।३।।

या ओठांनी चुंबून घेईन हजारदा ही माती
अनंत मरणे झेलून घ्यावी, इथल्या जगण्या साठी
इथल्या पिंपळ पानावरती,अवघे विश्र्व तरावे ।।४।।

गीत : मंगेश पाडगांवकर


Ya Janmavar, Ya Jagnyavar, Shatada Prem Karave ।।D।।

Chanchal Vara Ya Jaladhara, Bhijali Kali Mati
Hirave Hirave Pran Tashi Hi Rujin Aali Pati
Phule Lajari Bghun Kunache, Halave Otha Smarave  ।।1।।

Rangacha Ughaduniya Pankha, Sanj Kunihi Keli
Kalokhachya Daravarati, Nakshatranchya Veli
Saha Rutunche Saha Sohale, Yethe Bhan Harave ।।2।।

Balachya Chimanya Othantun, Hak Bobadi Yete
Velivarati Prem Priyech, Janm Phulanni Ghete
Nadichya Kathi Sajanasathi, Gane Gat Jhurave ।।3।।

Ya Othani Chumban Ghein Hajarada Hi Mati
Anant Marane Jhelun Ghyavi, Ethalya Jaganyasathi
Ethalya Pimpal Panavarati, Avaghe Vishv Tarave ।।4।।

Lyrics : Mangesh Padgaonkar

गारवा वाऱ्यावर भिर भिर - Garava Varyavar Bhir Bhir

गारवा वाऱ्यावर भिर भिर
गारवा वाऱ्यावर भिर भिर भिर पारवा नवा नवा
प्रिये नभात ही चांदवा नवा नवा

गवतात गाणे झुलते कधीचे
हिरवे किनारे हिरव्या नदीचे
पाण्यावर सर सर सर काजवा नवा नवा
प्रिये मनातही ताजवा नवा नवा

आकाश सारे माळून तारे
आता रुपेरी झालेत वारे
अंगभर थर थर थर नाचवा नवा नवा
प्रिये तुझा जसा गोडवा नवा नवा

Garava Varyavar Bhir Bhir
Garava Varyavar Bhir Bhir Bhir Parava Nava Nava
Priye Nabhat Hi Chandava Nava Nava

Gavatat Gane Jhulate Kadhiche
Hirve Kinare Hiravya Nadiche
Panyavar Sar Sar Sar Kajava Nava Nava
Priye Manatahi Tajava Nava Nava

Aakash Sare Malun Tare
Aata Ruperi Jhalet Vare
Angabhar Thar Thar Thar Nachva Nava Nava
Priye Tujha Jasa Godava Nava Nava

एका तळ्यात होती बदके - Eka Talyat Hoti Badake

एका तळ्यात होती बदके पिले सुरेख
होते कुरूप वेडे पिल्लू तयात एक ।। धृ ।।

कोणी न तयास घेई खेळावयास संगे
सर्वांहुनी निराळे ते वेगळे तरंगे
दावूनि बोट त्याला, म्हणती हसून लोक
आहे कुरूप वेडे पिल्लू तयांत एक ।। १ ।।

पिल्लास दु:ख भारी, भोळे रडे स्वतःशी
भावंड ना विचारी, सांगेल ते कुणाशी
जे ते तयास टोची दावी उगाच धाक
होते कुरूप वेडे पिल्लू तयांत एक ।। २ ।।

एके दिनी परंतु पिल्लास त्या कळाले
भय वेड पार त्याचे वाऱ्यासवे पळाले
पाण्यात पाहताना चोरूनिया क्षणैक
त्याचेच त्या कळले, तो राजहंस एक ।। ३ ।।


Eka Talyat Hoti Badake
Hote Kurup Vede Pillu Tayat Ek ।। D ।।

Koni N Tayas Ghei Khelavayas Sange
Sarvahuni Nirale Te Vegale Tarange
Davuni Bot Tyala, Mhanati Hasun Lok
Aahe Kurup Vede Pillu Tayant Ek ।। 1 ।।

Pillas Dukhh Bhari, Bhole Rade Swatashi
Bhavand Na Vichari, Sangel Te Kunashi
Je Te Tayas Tochi Davi Ugach Dhak
Hote Kurup Vede Pillu Tayant Ek ।। 2 ।।

Eke Dini Parantu Pillas Tya Kalale
Bhay Ved Par Tyache Varyasave Palale
Panyat Pahatana Choruniya Kshnaik
Tyachech Tya Kalale, To Rajhans Ek ।। 3 ।।

चांदणे शिंपीत जाशी - Chadane Shimpit Jashi

चांदणे शिंपीत जाशी चालता तू चंचले
ओंजळी उधळीत मोती हासरी ताराफुले

वाहती आकाशगंगा की कटीची मेखला
तेज:पुंजाची झळाळी तार पदरा गुंफीले

गुंतविले जीव हे मंजीर की पायी तुझ्या
जे तुझ्या तालावरी, बोलावरी नादावले

गे निळावंती कशाला झाकशी काया तुझी ?
पाहु दे मेघाविण सौंदर्य तूझे मोकळे

 

Chadane Shimpit Jashi Chalata Tu Chanchale
Onjali Udhalit Moti Hasari Taraphule

Vahati Aakashganga Ki Katichi Mekhala
Tejhlunjachi Jhalali Tar Pdari Guphale

Gutavile Jiv He Manjir Ki Payi Tuzya
Je Tuzya Talavari, Bolavari Nadavale

Ge Nilavanti Kashala Zakashi Kaya Tuzi?
Pahu De Meghvin Soundary Tuze Mokale

फुलले रे क्षण माझे फुलले रे - Phulale Re Kshan Maze Fulale Re

फुलले रे क्षण माझे फुलले रे
मेंदीने, हो शकुनाच्या शकुनाच्या मेंदीने
सजले रे क्षण माझे सजले रे

झुळूक वा-याची आली रे लेऊन कोवळी सोनफुले
साजण स्पर्शाची जाणिव होऊन, भाळले मन खुळे
या वेडाचे  या वेडाचे, नाचरे भाव बिलोरे मेंदीने

ओढ ही बेबंद, श्वासात, ध्यासात, स्वप्नात येणे तुझे
भांबावल्या माझ्या ऊरात, स्पर्शात, रेशिम काटे तुझे
मनमोराचे, जादुभरे हे पिसारे मेंदीने

रीत ही, प्रीत ही उमजेना, जडला का जीव हा समजेना
कशी सांगू मी माझ्या मनीची कथा रे मेंदीने

गीत : नितीन आखवे

Phulale Re Kshan Maze Fulale Re
Mendine, Ho Shakunachya Shakunachya Mendine,
Sajale Re Kshan Maze Sajale Re

Jhuluk Varyachi Aali Re Leun Kovali Sonphule
Sajan Sparshachi Janiv Houn, Bhalae Man Khule
Ya Vedache Ya Vedache, Nachare Bhav Bilore _ Mendine

Odha Hi Beband, Shwasat, Dhyasat, Swapnat Yene Tuze
Bhanbavalya Mazya Urat, Sparshat, Reshim Kate Tuze
Manmorache, Jadubhare He Pisare _ Mendine

Rit Hi, Prit Hi Umajena, Jadala Ka Jiv Ha Samjena
Kashi Sangu Mi Mazya Manichi Katha Re _ Mendine

Lyrics - Nitin Aakhave

सांग कधी कळणार तुला - Sang Kadhi Kalanar Tula

सांग कधी कळणार तुला भाव माझ्या मनातला ।
रंग कधी दिसणार तुला लाजणाऱ्या फुलातला ।। धृ ।।

गंधित नाजूक पानामधुनी सूर छेडीते अलगद कोणी ।
अर्थ कधी कळणार तुला धुंदणाऱ्या सुरातला ।। १ ।।

निळसर चंचल पाण्यावरती लयीत एका तरंग उठती ।
छंद कधी कळणार तुला नाचणाऱ्या जलातला ।। २ ।।

जुळता डोळे एका वेळी धीट पापणी झुकली खाली ।
खेळ कधी कळणार तुला दोन वेड्या जीवातला ।। ३ ।।

गीतकार - मधुसूदन कालेलकर

Sang Kadhi Kalanar Tula
Bhav Mazya Manatala
Rang Kadhi Disanar Tula
Lajnarya Fulatala ।। D ।।

Gandhit Najuk Panamadhuni
Sur Chhedite Alagat Koni ।
Artha Kadhi Kalanar Tula
Dhundanarya Suratala ।। 1 ।।

Nilasar Chanchal Panyavarati
Layit Ek Tarang Uthati ।
Chhand Kadhi Kalanar Tula
Nachanarya Jalatala ।। 2 ।।

Julata Dole Eka Veli
Dhit Papani Jhukali Khali
Khel Kadhi Kalanar Tula
Vedya Jivatala  ।। 3 ।।

Lyrics - Madhusudan Kalelkar

शुक्रतारा मंद वारा - Shukratara Mand Vara

शुक्रतारा मंद वारा - Shukratara Mand Vara

शुक्रतारा मंद वारा चांदणे पाण्यातुनी
चंद्र आहे स्वप्न वाहे धुंद या गाण्यातुनी
आज तू डोळ्यात माझ्या मिसळूनी डोळे पहा
तू अशी जवळी रहा

मी कशी शब्दात सांगू भावना माझ्या तुला
तू तुझ्या समजून घे रे लाजणाऱ्या या फुला
अंतरीचा गंध माझ्या आज तू पवना वहा
तू असा जवळी रहा

लाजऱ्या माझ्या फुला रे गंध हा बिलगे जीवा
अंतरीच्या स्पंदनाने अन थरारे हि हवा
भारलेल्या या स्वरांनी भारलेला जन्म हा
तू अशी जवळी रहा

शोधिले स्वप्नात मी ते परी जागीपणी
दाटुनी आलास तू रे आज माझ्या लोचनी
वाकला फांदीपरी  आता फुलांनी जीव हा
तू असा जवळी रहा

गीतकार - मंगेश पाडगावकर

Shukratara Mand Vara Chandane Panyatuni
Chandra Ahe Swapn Vahe Dhund Ya Ganyatuni
Aaj Tu Dolyat Mazya Misaluni Dole Paha
Tu Ashi Javali Raha

Mi Kashi Shabdat Sangu Bhavana Mazya Tula
Tu Tuzya Samjun Ghe Re Lajanarya Ya Fula
Antaricha Gandh Mazya Aaj Tu Pawana Vaha
Ty Asa Javali Raha

Lajrya Mazya Fula Re Gandh Ha Bilage Jiva
Antarichya Spandanane An Tharaare Hi Hava
Bharlelya Ya Swaranni Bharalela Janm Ha
Tu Ashi Javali Raha

Shodhile Swapnat Mi Te Pari Jagipani
Datuni Aalas Tu Re Aaj Mazya Lochani
Vakala Phandipari Aata Phulanni Jiv Ha
Tu Ashi Javali Raha

Lyrics - Mangesh Padgaonkar

बगळ्यांची माळ फुले Baglyanchi Mal Phule

बगळ्यांची माळ फुले अजुनि अंबरात
भेट आपुली स्मरशी काय तू मनात ?

छेडिति पानात बीन थेंब पावसाचे
ओल्या रानात खुले ऊन अभ्रकाचे
मनकवडा घन घुमतो दूर डोंगरात.

त्या गाठी, त्या गोष्टी, नारळिच्या खाली
पौर्णिमाच तव नयनी भर दिवसा झाली
रिमझिमते अमृत ते विकल अंतरात.

हातांसह सोन्याची सांज गुंफताना
बगळ्यांचे शुभ्र कळे मिळुनि मोजताना
कमलापरी मिटति दिवस उमलुनी तळ्यात.

तू गेलिस तोडुनि ती माळ, सर्व धागे
फडफडणे पंखांचे शुभ्र उरे मागे
सलते ती तडफड का कधि तुझ्या उरात?

गीत - वा. रा. कांत

Bagalyanchi Mal Phule Ajuni Ambarat
Bhet Aapuli Smarashi Kay Tu Manat

Chhediti Panat Bin Themb Pawasache
Olya Ranat Khule Un Abhrakache
Manakvada Ghan Ghumato Dur Dondarat

Tya Gathi, Tya Goshti, Naralichya Khali
Pournimach Tav Nayani Bhar Diwasa Zali
Rimzimate Amrut Te Vikal Antarat

Hatansah Sonyachi Sanj Gumfatana
Baglyanche Shubra Kale Muluni Mojatana
Kamalapari Mitati Diwas Umaluni Talyat

Tu Gelis Toduni Ti Mala, Sarv Dhage
Phadaphadane Pankhanche Shubra Ure Mage
Salate Ti Tadaphad Ka Kadhi Tuzya Urat ?

Lyrics - V R Kant

 

केव्हातरी पहाटे Kevha Tari Pahate

केव्हातरी पहाटे उलटून रात गेली
मिटले चुकून डोळे हरवून रात गेली

कळले मला न केव्हा सुटली मिठी जराशी
कळले मला न केव्हा निसटून रात गेली

सांगू तरी कसे मी वय कोवळे उन्हाचे ?
उसवून श्वास माझा फसवून रात गेली

उरले उरात काही आवाज चांदण्याचे
आकाश तारकांचे उचलून रात गेली

स्मरल्या मला न तेव्हा माझ्याच गीतपंक्‍ती
मग ओळ शेवटाची सुचवून रात गेली

गीत - सुरेश भट

Kevhatari Pahate Ulatun Rat Geli
Mitale Chukun Dole Haravun Rat Geli

Kalale Mala Na Kevha Sutali Mithi Jarashi
Kalale Mala Na Kevha Nisatun Rat Geli

Sangu Tari Kase Mi Vay Kovale Unhache
Usavun Shwas Maza Phasavun Rat Geli

Urale Urat Kahi Aavaj Chandanyache
Aakash Tarkanche Uchalun Rat Geli

Smarlya Mala Na Tevha Mazyach Gitpankti
Mag Ol Shevatachi Suchavun Rat Geli

Lyrics Suresh Bhat