देहाची तिजोरी भक्तीचाच ठेवा |
उघड दार देवा आता उघड दार देवा || धृ ||
पिते दूध डोळे मिटुनी जात मांजराची |
मनी चोरट्याच्या का रे भीती चांदण्याची |
सरावल्या हातांनाही कंप का सुटावा || १ ||
उजेडात होते पुण्य अंधारात पाप |
ज्याचे त्याचे हाती आहे कर्तव्याचे माप |
दुष्ट दुर्जनांची कैसी घडे लोकसेवा || २ ||
स्वार्थ जणू भिंतीवरचा आरसा बिलोरी |
आपुलीच प्रतिमा होते आपुलीच वैरी |
घडोघडी अपराध्यांचा तोल सावरावा || ३ ||
तुझ्या हाती पांडुरंगा तिजोरी फुटावी |
मुक्तपणे भक्ती माझी, तुझी तू लुटावी |
मार्ग तुझ्या राऊळाचा, मला आकळावा || ४ ||
भलेपणासाठी कोणी बुरेपणा केला |
बंधनात असुनी वेडा जगी मुक्त झाला |
आपुल्याच सौख्यालागी करील तो हेवा || ५ ||
Dehachi Tijori Bhaktichach Theva
Ughad Dar Deva Aata Ughad Dar Deva
\
कोणत्याही टिप्पण्या नाहीत:
टिप्पणी पोस्ट करा