तुला खांद्यावर घेईन | Tula Khandhyavar Ghein |

तुला खांद्यावर घेईन, तुला पालखीत मिरवीन |
साई बाबा मी शिर्डीला पायी चालत येईन || धृ ||
पायी चालत नेले या श्रद्धा सबुरीवाल्यान |
साई तुझ्या दर्शनाची मला लागली तहान || १ ||
वाट असेती वळणाची आले पायाला ते फोड |
तुझ्या कृपेच्या छायेत, फोड वाटती गोड || २ ||
माझी बाप आणि आई तुच विठ्ठल रखुमाई |
तुझ्या शिर्डी नगरात मी पंढरी पाहीन || ३ ||
पायी चालत येईन सुख दु:ख मी सांगीन |
साई बाबा माझे साई ते दु:ख निवारील || ४ ||