एक गावें आह्मीं विठोबाचे नाम ।
आणिकांपें काम नाहीं आतां ॥१॥
मोडूनियां वाटा सूक्ष्म दुस्तर ।
केला राज्यभार चाले ऐसा ॥ध्रु.॥
लावूनि मृदंग श्रुतिटाळ घोष ।
सेवूं ब्रम्हरस आवडीनें ॥२॥
तुका म्हणे महापातकी पतित ।
ऐसियांचे हित हेळा मात्रें ॥३॥
भावार्थ
आम्ही आता फक्त विठोबाच्या नामाचा जप करू. या ठिकाणी अन्य कोणाचे दुसरे कोणतेही काम करणार नाही आता. कर्माच्या सूक्ष्म वाटा आणि योगाच्या कठीण वाटा पार करत, जसे राजाचे बलाढ्य चतुरंग सैन्य विजय मिळवते, तसाच आम्ही एक भव्य मार्ग स्थापन केला आहे. आता आम्ही मृदंग, वीणा, स्वर आणि टाळांच्या घोषात भक्तीरसाचा आनंद लुटू. तुकाराम महाराज म्हणतात, जरी कोणी कितीही मोठा पापी किंवा दुर्जन असला, तरीही तो हरीचे नाम श्रद्धेने घेतल्यावर त्याला परम कल्याण लाभते, आणि त्याचा आत्मा मुक्त होतो.
Ek Gave Aamhi Vithobache Nam ।
Aanikampe Kam Nahi Aata ॥1॥
Moduniya Vata Sukshma Dustar।
Kela Rajyabhar Chale Aisa ॥D॥
Lavuni Mrudung Shrutital Ghosh।
Sevu Brahmaras Aavadine ॥2॥
Tuka Mhane Mahapataki Patit ।
Aisiyanche Hit Hela Matre ॥3॥
कोणत्याही टिप्पण्‍या नाहीत:
टिप्पणी पोस्ट करा