ब्रह्मा, विष्णू आणि महेश्वर सामोरी बसले
मला हे दत्तगुरू दिसले || धृ ||
माय उभी ही गाय होउनी
पुढे वासरू पाहे वळुनी
कृतज्ञतेचे श्वान बिचारे पायावर झुकले || १ ||
चरण शुभंकर फिरता तुमचे
मंदिर बनले उभ्या घराचे
घुमटामधुनी हृदयपाखरू स्वानंदे फिरले || २ ||
तुम्हीच केली सारी किमया
कृतार्थ झाली माझी काया
तुमच्या हाती माझ्या भवती औदुंबर वसले || ३ ||
Brahma Vishnu Aani Maheshwar Samori Basale
कोणत्याही टिप्पण्या नाहीत:
टिप्पणी पोस्ट करा